Ginlunsyar sang isa ka barangay ang proyekto sang pagpangolekta sang mga residente sang ila basura kabaylo sang pagkaon sa isa ka barangay sa Davao City.
Nahibaluan nga madugay na nga problema sa Barangay Sasa ang indi makay-o nga waste disposal sa lugar.
Rason nga ginsuguran sang barangay ang proyekto nga “May Pagkain sa Basura” para masolusyonan ang problema nila sa basura.
Sa proyekto nga tatlo ka bulan na nga ginapatuman, ginbakal sang barangay sa mga residente ang waste materials kaangay sang plastic, kabaylo sang bugas ukon grocery.
Katumbas sang duwa ka kilo sang bigas ang lima ka kilo nga basura.
Matapos makolekta ang mga basura, ginadiretso ini sa ila waste processing facility para tunawon ang mga ini pinaagi sang low-temperature pyrolysis equipment.
Isa ini ka teknolohiya halin sa pungsod Japan, nga wala gina-usaran sang kuryente ukon gas, kag wala sang ginabuga nga aso ukon baho.
Sa baylo, mangin ceramic ash ang mga basura nga pwede pampatambok sang duta ukon wood vinegar nga pwede gamiton bilang insect repellent.
