Napatay sa engkwentro sa mga pulis ang Mayor sang Calbayog City, Samar nga si Ronaldo Aquino.
Magluwas sa alkalde, napatay man ang iya driver kag security escort.
Samtang, isa pa ka pulis ang napatay kag isa naman ang pilason.
Sa imbestigasyon, nagasakay sa van ang alkalde kag mga kaupod sini sang ila nabatyagan nga ginasundan sila sang isa pa ka salakyan.
Ginpalukpan sang grupo sang alkalde ang mga nakasakay sang nakasunod nga salakyan nga mga pulis.
Nagbalos man sang lupok ang mga pulis kag nangin resulta sang pagkamatay sang alkalde kag tatlo ka iban pa.
Sa Facebook post ni Samar Representative Edgar Mary Sarmiento, ginsiling sini nga nagluntad ang insidente sa Laboyao Bridge sa Barangay Lonoy.
Sa separado nga report, ginmanduan ni PNP chief Police General Debold Sinas ang regional police office sang Eastern Visayas nga imbestigaran ang insidente.
