Merkado publiko ipatindog sa Pahanocoy

Ginpahayag ni Bacolod Lone District Congressman Greg Gasataya nga plano sini nga patindugan sang mekado publiko ang Barangay Pahanocoy, Bacolod City sa masunod nga mga tinuig.

Ini ang ginpahayag ni Gasataya sa iya pagpamulongpulong sa ginpatigayon nga groundbreaking ceremony sang P4.7M multi-purpose covered court nga gindonar sang RAM Partylist sa nasambit nga barangay, Pebrero 23, 2021.

Ginkalipay naman ni Punong Barangay Yolanda Noble ang nasambit nga pahayag ni Gasataya bangud wala pa sang iya kaugalingon nga merkado ang nasambit lugar.

Una na nga ginpahayag ni Gasataya nga nagapadayon ang drainage projects kag manug-umpisa naman ang road construction sa nasakupan nga lugar ni Punong Barangay Noble.