Friday, March 29, 2024

Mga biktima sang Martial Law kag pagpang-abuso sa kinamatarong sang tawo, dapat nga dumdumon – BAYAN Negros

- Advertisement -

BACOLOD CITY – Dapat nga dumdumon, suno sa Bagong Alyansang Makabayan Negros, ang mga biktima sang Martial Law kag ang pagpang-abuso sa kinamatarong sang tawo.

Ini ang ginasinggit sang BAYAN Negros kaupod ang pila ka mga progresibo nga grupo sa ginpatigayon nga rally sa paghanduraw sang ika-50 nga anibersaryo sang Martial Law sa Fountain of Justice, syudad sang Bacolod, sini nga Miyerkules sang hapon, Setyembre 21, 2022.

Suno kay Noli Rosales, spokesperson sang BAYAN Negros, natabo ang Martial Law sang tion sang diktador kag anay presidente nga si Ferdinand Marcos Sr.

- Advertisement -

Kag sa karon si Marcos Jr. na ang presidente, ginatinguhaan niya nga bag-uhon ang maragtas nga indi diktador ang iya nga amay kag wala sang human rights abuses nga nahimo ang administrasyon ni Marcos Sr., suno kay Rosales.

“Saksi ang Negros nga grabe ang nagluntad nga gutom sa panahon sang Martial Law. Madamo nga mga kabataan ang nagkalamatay tungod sang kapigaduhon. Linibo ang gintorture, missing kag nagkalamatay kag tubtob subong wala ina sang hustisya,” pahayag ni Rosales.

Ang nagluntad nga Escalante Massacre sadtong 1985 kag ang subong nga nagakalatabo nga military na ang nagapanguna sa pag-selebrar sini, ang isa ka insulto sa mga biktima sang Escalante Massacre kag Martial Law.

“Nagapahayag sila nga mag-move on na lang kay tungod malawig na ato nga panahon. Pero paanu ma move on ang mga pumuluyo kung sige sige ang harassment, sige sige ang pagpamatay,” gindugang pa ni Rosales.*

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles