Ginhingyo sang isa ka eksperto ang mga pasahero sang pampubliko nga salakyan nga magsuksuk gihapon sang facemask agud malikawaan ang paglapta sang Covid-19.
Nagpahayag sang iya pagkabalaka ang eksperto sa ikaayong lawas nga si Dr. Rontgene Solante kasunod sang desisyon sang Land Transportation Franchising and Regulatory Board (LTFRB) nga tugutan na magsakay ang mga nagatindog nga pasahero sang Public Utility Buses (PUBs) kag Modern Public Utility Jeepneys (MPUJ) sa mga lugar nga yara sa idalom sang Alert Level 1.
Nagpaathag si Dr. Solante kung ano ka importante ang pagsuksuk sang face mask sa mga PUV para maprotektahyan ang ila kaugalingon sa Covid-19.
Ginhambal pa ni Solante nga posible nga madasig maglapta ang virus kapin pa kung gina-ubo ukon trangkaso ang isa ka indibidwal kag wala pa ini gasuksuk sang mask.
Kung madumduman, sandig sa LTFRBs Memorandum Circular No. 2022-070,nga ginatugutan na sang departamento ang mga nagatindog nga pasahero sa mga PUB kag MPUJ sa idalom sa mga kondisyon nga ila ginpaguwa.
