Sunday, January 29, 2023

Mga Gin-alegar Kawatan, Nalabyan sang mga Nagaronda nga Kapulisan samtang Bitbit ang Kinawatan nga Tatlo ka Kaha sang Softdrinks sa Silay

- Advertisement -

SILAY CITY, NEGROS OCCIDENTAL – Dakup ang isa ka lalaki samtang nagsungka naman ang isa pa gid sa apat ka mga suspek sa pagpangawat sang tatlo ka kaha sang softdrinks, isa ka cellphone kag kwarta sa isa ka restaurant sa dalan Locsin, Barangay V, Silay City, Negros Occidental takna las 2:00 sang kaagahon sini nga Huwebes, Hulyo 28.

Photo of a suspect caught in the act stealing 3 cases of soft drinks by the Police. Photo from NOCCPO.

Ginkilala ang nadakup nga suspek kay Russel Amit, 21-anyos samtang ginkilala naman ang nagsungka nga suspek kay Alyas Kenneth nga residente sang Sitio Berano, Barangay Lantad, Silay City.

Apang nakapalagyo naman ang duha ka suspek nga sanday Rodne Aquino kag Roniel Salbatona.

- Advertisement -

Nagaronda ang kapulisan sang nakita nila ang apat ka lalaki nga paguwa sa restaurant sang Balik Tanaw Cafe and Event Place nga may dala sang tatlo ka kaha sang softdrinks.

Nacorner sang kapulisan si Russel apang nakapalagyo naman ang tatlo pa.

Nahibaluan sang kapulisan nga ginsulod sang mga suspek ang restaurant paagi sa pagguba sang crystal nga bintana.

Nakumpiskar sa mga suspek ang tatlo ka kaha sang softdrinks nga nagabalor sang P815.00 apang nakuha naman sang nakapalagyo nga mga suspek ang isa ka Samsung cellphone nga nagabalor sa P7,000 pesos kag kwarta nga nagabalor sa 2,000.00.

Gindala naman si Kenneth sang iya iloy sa Silay Police Station agud isungka ini sa kapulisan.

Yara naman ang duha ka suspek sa kustodiya sang kapulisan.

Sarang mapasakaan sang kaso nga robbery ang mga suspek.*

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles