Ginpahayag ni Bacolod City Mayor Evelio Leonardia nga sa ila Zoom meeting subong nga adlaw, Abril 8, kaupod ang mga gobernador kag alkalde sang duha ka urbanized cities sa Western Visayas, ila gin-kasugtan nga mag-request sang travel ban extension nga magalawig sang isa pa gid ka semana.
“We are all anxious that the spike is happening all over Western Visayas,” suno kay Leonardia.
Gindugang pa sang alkalde nga sila ang nagakahangawa sa posibilidad nga ang bag-o naman nga variant sang COVID-19 ang nagtuga nga nagsaka liwat ang mga kaso sa rehiyon.
Sila ang nagapangayo man sang pag-intyendi kag suporta sang publiko.
Ila pagahulaton ang response sang national Inter Agency Task Force may angut sa ila request.*