Sunday, January 29, 2023

Mga health workers nagakalamatay naman bangud sang Ebola sa Africa

- Advertisement -

Isa pa gid ka health worker ang nabawian sang kabuhi sa Uganda tuga sang makamamatay nga Ebola virus.

Bangud sang nagdugang nga fatality, nagsaka na sa napulo (10) ang kadamuon sang mga nagkalamatay sa lugar.

Duha ka semana ang nakaligad, gindeklarar sa Uganda ang “Ebola outbreak”.

- Advertisement -

Base sa impormasyon nga gin release sang Ministry of Health, isa ka 58 anyos nga anesthetic officer ang napatay sa Ebola, miyerkules sang kaagahon.

Siya ang ikaapat nga health worker nga nabawian sang kabuhi bangud sang nasambit nga virus.

Magluwas sa anesthetic officer, isa pa gid ka Tanzanian doctor , health assistant kag midwife ang nabawian sang kabuhi matapos nga nakaangkon sang impeksyon.

43 pa ka mga persona ang infected sa Ebola virus sa Uganda.

Ang ebola isa ka makamamatay nga infection tuga sang virus nga nadiskubrihan sang 1976.

Kalakip sa mga sintoma sini amo ang pagsaka sang temperatura, pagpalanuka, bleeding kag diarrhea.

Ang Uganda isa ka pungsod sa kontinente sang Africa nga may masobra sa 45 milyones nga populasyon.

- Advertisement -
Sunshine Lacson
Sunshine Lacson
Former correspondent of DZRH network news. Editor and newswriter of Aksyon Radyo Bacolod. Anchorwoman of This is my life program of Aksyon Radyo Bacolod. Newscaster of Aksyon Radyo Bacolod. Currently the anchorwoman of It's Your Time to Shine at Radyo Bandera Sweet FM Bacolod.

Related Articles

Leave a Reply

Stay Connected

- Advertisement -

Latest Articles