27 na ka mga kabayo ang nabawian sang kabuhi humalin sang Marso tubtub Abril, sini nga tuig, bangud sang virus nga nagdapo sa nasambit nga mga sapat sa Baguio city.
Ginkumpirmar sang city veterinary sa Baguio , nga nagpositibo sa Equine Infectious Anemia okon swamp fever ang masobra 20 ka mga kabayo sa 58 tanan ka mga kabayo nga yara sa siudad.
Suno kay Dr. Dr Brigitte Piok , “incurable” okon wala sang bulong sa nasambit nga impeksyon.
Kalakip sa mga sintoma sini ,amo ang amat amat nga pagniwang sang sapat, pagdugo okon bleeding kag paghubag sang tiil kag dughan sang kabayo.
Mahimo nga maglaton ang nasambit nga balatian sa kabayo pinaagi sa dugo sang “horse flies”.
Bangud sang balatian, ginmandu na sang lokal nga panguluhan sang Baguio nga ipaidalum sa quarantine ang mga kabayo nga “infected” sang balatian.
Indi “transmissible” okon makalalaton sa tawo ang Equine Infectious Anemia,suno sa mga eksperto, apang delikado ini nga maglaton sa iban man nga mga kabayo.
Statement of Dr.Piok:
“Hindi siya curable so kailangan talaga ang recommendation ng World Animal Health na i-isolate or mawala talaga yung kabayo or euthanized,”
