May kaso angut sa iligal nga druga ang mga suspetsado sa pagpatay kay Negros Oriental Governor Roel Degamo.
Suno kay Philippine National Police Region 7 spokesperson Police Lieutenant Colonel Gerard Ace Pelare, ginpahalin na sa serbisyo ang mga tropa nga imbolbado sa kremin, bangud sang “absence without leave” (AWOL).
Ginkumpirmar sang Philippine Army nga duha sa mga suspetsado sa kremin, lunsay mga anay soldado.
Nagapadayon pa ang operasyon sang mga otoridad agud madakpan ang iban pa nga mga suspetsado sa kremin.
Ginpatay ang gobernador sang Negros Oriental, Sabado nga adlaw, Marso 5, sa sulod mismo sang iya puluy-an sa Pamplona, Negros Oriental.
Sini nga Domingo, nagsaka na sa siyam ka mga persona ang nagkalamatay bangud sang makasilidni nga kremin.
Statement of Philippine National Police Region 7 spokesperson Police Lieutenant Colonel Gerard Ace Pelare:
“May AWOL, may kasong illegal drugs ‘yung iba. That is probably why they engaged in these activities.”
