Ginbulgar sang mga pharmaceutical companies nga apektado na ang produksyon sang syrup nga mga bulong, bangud sa pagmahal sang presyo sang kalamay sa Pilipinas.
Ginpaathag ni Higinio Porte Jr., nga 20 tubtub 30 porsyento sang “formulation” sang syrup himo sa kalamay.
Apang, indi makapasaka sang presyo sa ila bulong ang mga pharmaceutical companies, bisan pa masyado na ka mahal sang presyo sang kalamay sa pungsod.
Gani nagpanawagan ang grupo sa gobyerno, nga pasanyogon ang lokal nga produksyon sang kalamay, nga amo ang ginagamit bilang raw materials sa paghimo sang bulong.
Sini gid lamang nga Agosto, naglab-ot sa P100 kada kilo ang presyo sang refined sugar sa pungsod.
Si Porte amo ang presidente sang Philippine Pharmaceutical Manufacturers Association.
