Bacolod City – Nagsaka ang numero sang mga Pinoy nga indi kuntento sa K-12 program sini nga tuig, base sa pinakaulihi nga Pulse Asia Survey nga gin komisyon ni Senator Sherwin Gatchalian, chairman sang Senate Basic Education Committee.
Base sa June 2022 survey nga nalakipan sang 1,200 respondents, 44% ang ‘not satisfied,’ 39% ang ‘satisfied,’ kag 18% naman ang ‘undecided.’
Mas mataas ini sang 16% kun ikumparar sa 28% nga resulta sang September 2019 survey.
Suno kay Gatchalian, isa sa mga wala natuman nga promisa amo ang pag-angkon sang obra pagka-gradwar sang mga estudyante.
Samtang ginmanduan na ni President Bongbong Marcos ang pag-review sa implementasyon sang nasambit nga programa.
“Malinaw sa boses ng ating mga kababayan na hindi sila kuntento sa programa ng K-12. Ito ay dahil hindi natutupad ang mga pangako nito at naging dagdag na pasanin lamang ito sa ating mga magulang at mga mag-aaral,” suno kay Gatchalian.
