Ginapahalong sang Philippine Embassy sa Kuala Lumpur sa Malaysia ang mga Pilipino batok sa passport appointment scam sa social media.
Suno sa abiso sa publiko nga ginpaguwa sang embahada, ginpanugyanan ang mga Pilipino sa Malaysia nga direkta magkuha sang ila passport appointment sa official online appointment system sini.
“Ipinapaalala ng Embahada na hindi ito gumagamit ng Facebook, Whatsapp at iba pang social media network para sa passport appointments. Hindi rin ito nagpapahintulot sa sinomang tao o kompanya na mag-alok o mag-benta ng passport appointment slot,” suno sa embahada.
Gin-abisuhan sang embahada ang mga Pilipino sa Malaysia nga indi gilayon magbaton sang ano man nga offer sang mga passport agents ukon fixers agud malikawan ang problema kag dugang nga gastos.
