Nadiskubrehan nga Disyembre pa lang sang tinalikdan nga tuig, nag-umpisa na nga magkutkot sang escape tunnel ang mga Palestino nga preso nga nakapalagyo sa high-security Israeli jail sini nga Setyembre, suno sa abogado sang duha sa mga pugante.
Nahibaluan nga anum ka mga inmate ang nagpalagyo sa Gilboa jail sa northern Israel sadtong Setyembre 6 matapos magkutkot sa idalom sang lababi sang ila selda agud nga makapalagyo.
Apat sa ila ang naaresto na matapos ginkasar ang lapnagon nga manhunt sa Israel kag occupied West Bank suno sa mga otoridad.
Ginbuyagyag sang mga abogado sang duha ka mga naaresto nga sanday Mahmud Abdullah Ardah kag Yaqub Qadri ang pila ka mga detalye sa ila nga pagpalagyo.
Ginapahayag nga si Ardah ang nagpanguna sa pagpalagyo, sa diin gingamitan sini sang kutsara, pinggan kag uluyatan sang takuri agud nga kutkuton ang bahin sang ila nga selda.
