Mga puluy-an nagkalaguba sa New Bataan, matapos nga nagluntad ang magnitude 6 nga linog kagab-i

Ginkumpirmar sang Office of the Civil Defense okon OCD nga may nagkalaguba nga mga puluy-an sang nagluntad ang linog sa New Bataan sa Davao de Oro.

Magluwas sa mga nahalitan nga puluy-an , may mga indibidwal man nga nakaangkon sang “minor injuries”.

Indi pa matumod sang OCD kon pila ka mga persona ang nasamaran sa nasambit nga kalamidad, bangud nagapadayon pa ang pagtipon sang datus sa insidente.

Nagluntad ang linog sa Cagayan de Oro las 6:44 sang gab-i, Miyerkules, sa kalayuon nga 12 kilometros gikan sa New Bataan.

May kabaskugon nga magnitude 6 ang nasambit nga linog kag may kadalumon nga 28 kilometros, base sa record sang Philippine Institute of Volcanology and Seismology (PHIVOLCS).*