Mga punong sa South Cotabato, nagamala na

Apektado sang tuman kainit nga panahon ang mga “fishponds” sa probinsya sang South Cotabato sa Mindanao.

Base sa report, natalupangdan na ang paghina sang ilig sang tubig sa mga water pressure, partikular na sa lugar sang Sto. Niño sa probinsya sang South Cotabato.

Suno sa mga residente, ginasaylo na lamang sa mga containers ang mga isda sa paglaum nga mabuhi pa kag mapuslan ang ila produkto.

Kalakip man sa apektado sa paghina sang “water supply” amo ang mga talamnan sang humay sa nasambit nga probinsya.