Nagpaandam ang mga senador sa mga otoridad kag publiko batok sa halog nga pag-obserbar sang health protocols sa tion nga naganubo na ang kaso COVID-19 sa pungsod.
Sa separado nga pahayag nanday Senators Panfilo Lacson and Sonny Angara, nagpanawagan sila sa publiko nga mangin vigilant batok COVID-19 apisar nga may pagnubo sa Department of Health (DOH) kag OCTA Research reports.
Suno sa ila, wala sang tion nga dapat mangin kumpiyansa sa nasambit nga virus bangud madamo sa gihapon ang infected kag nagakapatay bangud diri.
Dugang pa ni Angara, apisar nga nagadamo ang supply sang vaccines, wala pa sa gihapon mabakunahan ang mayorya sang populasyon amo nga kinahanglan pa sa gihapon nga maghalong.
Nag-apelar naman ang senador sa publiko nga magpabakuna na kung may yara sang oportunidad.
