Friday, March 29, 2024

Mga suspek sa pagbuno sa hepe sang Ilog Police Station, pagapasakaan sang kaso nga frustrated murder

- Advertisement -

NEGROS OCCIDENTAL– Pagapasakaan sang kaso nga frustrated murder kag paglapas sa Presidential Decree 1602 ukon illegal gambling ang mga suspetsado may angut sa pagbuno kay Police Captain Thurslie Castillo sa Km. 110, Barangay Dancalan, banwa sang Ilog, Negros Occidental, suno kay Police Executive Master Sergeant Jomel Villavicencio, acting deputy sang Ilog Municipal Police Station.

photos courtesy of NOCPPO

Si Capt. Castillo, nga hepe sang Ilog Police Station, ang may igo sang buno sa paa, siko kag buli.

Madumduman nga sadtong Marso 18, isa ka raid ang ginpatigayon sang kapulisan sa nasambit nga lugar matapos makabaton sang impormasyon nga nagapatigayon sang “Cara y Cruz” ukon Tumbo/Hantak ang pila ka mga persona sa Km. 110.

- Advertisement -

Kapin 30 ka mga persona ang nakit-an nga nagapakigbahin sa Hantak apang sang hana na nga mangdakup ang mga kapulisan, lima sa ila ang nagbato kag ginbuno si P/Capt. Castillo.

Rason nga gin-gabot sang hepe ang iya armas-luthang kag gintiro ang nagbuno nga si Abundio Redoble, 35-anyos sang tatlo ka beses kag naigo sa dughan, duha sa tuo kag isa sa wala.

Gilayon nga gindala si Abundio sa ospital apang gindeklarar ini nga dead-on-arrival.

May igo man sang bala sa guya, paa kag abaga ang iya utod nga si John Mark Redoble, 25-anyos nga yara karon sa Corazon Locsin Montelibano Memorial District Hospital.

Nsalabat man si Samsun Tagapan, 63-anyos, may igo tiil kag yara karon sa Ilog Municipal Police Station.

Pilason naman ang 16-anyos nga minor sa nagluntad nga insidente.

Suno kay Barangay Captain Leonardo Loquinario, tiyo sang mga Redoble, ang hantak ang isa ka kultura sang mga tawo sadtong ti-on tubtob subong.

Dugang pa ni Kap. Loquinario, kilala ang linyada sang pamilya Redoble (lolo kag tiyo) nga may mga kaso nga kriminal apang sanday Abundio kag John Mark ang wala sang record sa barangay.

Sa karon, istable na si Capt. Castillo nga yara naka-admit sa Holy of Mercy Hospital.*

- Advertisement -
Czyro Vann Albay
Czyro Vann Albay
Czyro Vann H. Albay is a graduate of Bachelor of Science in Mass Communication at University of Negros Occidental- Recoletos last June 2022. He is currently a sports writer in Radyo Bandera Sweet FM Bacolod. Aside from being a sports writer, he also do newscast every morning. He is a fresh graduate who’s starting to learn different things in media industry.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles