Gina-imbestigaran sa karon ang nagluntad nga pagkamatay sang isa ka nagabusong nga 16-anyos nga ginbuligan sang isa ka midwife ukon kumadrona nga nagpabata sa balay sa Lapu-Lapu City, Cebu.
Napatay ang menor de edad isa ka oras matapos magbata sa bulig sang midwife nga si Elisa Vergara.
Suno naman sa Lapu-Lapu City Health Officer Dr. Agnes Cecil Realiza, isa ka licensed midwife si Vergara, nga anay empleyado sang city health office.
Apang, ginsiling ni Realiza nga ginabawal na ang mga home delivery ukon pagpabata sa balay.
Nahibaluan nga nagpamalibad na si Vergara sa pagpabata sa biktima kag ginhambalan ang mga himata sini nga dal-on sa hospital.
Apang, wala sang kwarta ang pamilya nga i-gasto sa hospital.
Padayon naman ang imbestigasyon angot sa natabo sa 16-anyos nga iloy.
