Friday, March 29, 2024

Misis luyag bulagan ni mister bangud indi makabata sang lalaki

- Advertisement -

Isa ka 25-anyos nga babaye nga ginkilala kay Hu nga taga China ang magabun-ag naman sang iya ikalima nga anak.

Apang, nakibot ang tanan matapos nga luyag sang iya bana nga bulagan siya bangud babaye naman ang iya igabun-ag kag indi lalaki.

Suno kay Hu nga nagabusong sang 8 na ka bulan, naglayas ang iya bana sa ila apartment halos tatlo na ka bulan kag wala nagbulig sa pagbayad sang renta kag nagsiling pa nga mag-file sang divorce “as soon as possible”.

- Advertisement -

Gindugang pa ni Hu nga luyag sang iya bana sang lalaki nga bata.

Nahibaluan nga 17-anyos palang si Hu sang nagbun-ag sang ila pinakauna nga anak sang iya bana nga naga-edad 15-anyos sadtong 2014.

Gindugang pa ni Hu nga kung indi siya makabata sang lalaki, mangita sang iban nga babaye ang iya bana.

“He said he feared the result as he is the only male child from his big family. He said if I can’t deliver a baby boy for him, he will find another woman to have a son with,” suno kay Hu.

Nag-agree man si Hu sa luyag nga divorce sang iya bana.

“Divorce has both advantages and disadvantages. My daughters and I shall not have to bear abuse from him if we divorce,” suno kay Hu.

Ang kabataan ni Hu ang magatinir sa iya kung matapos na ang divorce kag ang iya bana ang dapat magahatag sa iya sang 1,000 yuan kada bulan para sa child support.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles