Nadula kag wala pa nakit-an ang isa ka lalaki nga ginkilala kay Ragdie Regla Aldea, 32-anyos nga residente sang Sitio Mangahoycahoy, Barangay Santol, Binalbagan, Negros Occidental humalin Biyernes , Hunyo 10, 2022 tubtob subong nga adlaw Hunyo 16, 2022.
Base sa report sang Binalbagan Police Station, naglisensya ang lalaki sa iya iloy nga si Soledad Aldea y Regla nga makadto sa Brgy. Santol agud magkuha sang sweldo sa iya amo sadtong Biyernes apang wala na ini nakapauli.
Ang lalaki nakasoksok sang short kag brown nga bayo.
Nagapangayo man sang bulig ang iya iloy pamaagi sa social media agud makit-an na si Ragdie.
Kun may yara nga impormasyon angut sa missing nga persona, magpakig-angot lang sa utod sang biktima nga si Radnie Regla Aldea sa numero nga 09460520951 ukon 09273396587.
