ALBAY – Patay na sang marekober ang bangkay sang isa ka amay nga pila na ka adlaw nga ginapangita sa syudad sang Tabaco sa probinsya sang Albay.
Nasapwan nga naga-utaw utaw ang lawas ni Emmanuel Brul, 53-anyos sa baybayon nga sakop sang Sitio Tugbon sa Barangay Hacienda sa San Miguel Island.
Gin-report ang pagkadula ni Brul sang Setyembre 2 matapos ini mangisda kaupod ang lima ka mga mananagat sa baybayon sang Barangay Igang sa banwa sang Bacacay.
Suno sa Coast Guard, hinali na lamang nadula si Brul sa baybayon samtang nagapangdakop sang isda.
Base sa pahayag sang iya kaupdanan nga mga mananagat, posible nga gin-anod ini bangud sa mabaskog nga sulog sang tubig.
Gina-alegar nga indi kabalo maglangoy si Brul kag napaminsaran lamang sini nga mag-upod sa grupo sang mga mananagat.
