Most Wanted Person Dakop sa Kaso nga 2 Counts of Rape sa La Castellana

Nadakpan sang mga otoridad sa banwa sang La Castellana ang ginakabig regional most wanted persona sa kaso nga 2 counts of rape alas 11:40 kahapon nga adlaw, Hunyo 15.

Ang suspek ginkilala kay Diobert Cansancio y Cahilig, 38 anyos, may asawa kag residente sang Sitio Dama, Brgy. Cabacungan, La Castellana, Negros Occidental.

Wala naka luwas si Cahilig sa aktibo nga operasyon sang La Castellana Municipal Police Station kaupod ang RUI6, Cavite PIT, kag 2nd NOCPMFC pinaagi sa warrant of arrest sa 2 counts of rape sa idalom sang article 266-A.

Wala sang bail nga ginrekomendar batok sa suspek kag yara karon sa kustodiya sang La Castellana Municipal Police Station.