Friday, March 29, 2024

Motorsiklo sang SB member sang Hinoba-an, gina-alegar ginkawat

- Advertisement -

Gina-alegar ginkawat ang motorsiklo sang isa ka miyembro sang Sangguniang Bayan sang banwa sang Hinoba-an, Negros Occidental sadtong Sabado, Pebrero 4, 2023.

Suno kay Hon. Jose Robert Gayomale, ginbilin niya ang iya motorsiklo kag ang yabi sini sa guwa sang balay sang iya kakilala kag matapos ang isa ka oras, wala na ang iya nga salakyan.

Gilayon naman siya nga namangkot sa mga panimalay sa lugar kun nakit-an nila ang iya nga motorsiklo apang wala sang may nakakita diri.

- Advertisement -

Bangud diri, nagtawag na si Hon. Gayomale sa kapulisan agud i-report ang iya nadula nga motorsiklo nga may plate number nga 841GWJ kag nagaduag sang pula.

Nagapanawagan naman siya sa gina-alegar nagkawat sang iya motorsiklo nga iturn-over na ini sa iya ukon sa kapulisan bangud kinahanglanon ini sang iya hinablos sa pag-eskwela.

“Kun may konsensya ka ibalik mo na akon motor, kay ang ina nga motor ang ginhatag ko na sa akon palangga kay para maka-eskwela kag indi man siya mabudlayan sa eskwelahan.

So ga-ayo lang ko simo kun may maayo ka man nga kabubut-on nga may nabilin pa man diyutay ukon nahuya ka man magbalik sa akon personally, iturn-over na lang sa PNP office.” suno kay Gayomale.*

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles