Friday, March 29, 2024

‘Naa gyud Mama Mary gyud’: 24-anyos ginapatihan milagro nga nakatindog kag nakalakat liwat matapos gindala sa Birhen sang Simala

- Advertisement -

SAN CARLOS CITY, NEGROS OCCIDENTAL – Halos indi makapati si Tatay Monico Cabalida sang magpauli ini halin sa trabaho sa Brgy. Pu-an, banwa sang Vallehermoso, Negros Oriental, bangud naumpawan na sa pagkalupog ang 24-anyos sini nga bata nga si Rico.

Suno kay Tatay Monico, nagsugod ang balatian ni Rico sang diretso ini nga naligo pagkatapos mag-pushup.

Didto nagsugod reklamo si Rico nga nagasakit ang iya lawas kag nabudlayan na ini maggiho.

- Advertisement -

Paglipas sang pila ka mga adlaw, nangin baldado si Rico kag nasakitan ini kun matandogan ang nagkalain-lain nga bahin sang iya lawas.

Sang Biyernes, Disyembre 2, gintuyo ni Tatay Monico nga dal-on si Rico sa Birhen sang Lindogon sa Buluangan Center Chapel sa siudad sang San Carlos apang bangud sa kapigaduhon, gin-una ni tatay ang iya trabaho kag wala man ini iban nga masugo bangud siya na lamang ang naga-atipan sa iya bata.

Lipod sa ihibalo ni Tatay Monico, gindala si Rico sang iya mga utod sa simbahan kun diin nahamtang ang Birhen sang Lindogon.

Sa ginpatigayon nga mass healing sa Buluangan Center Chapel, isa si Rico sa nakakuha sang atensyon ni Father Larry Martinez.

Ginpangamuyo ni Father Larry nga maumpawan si Rico sa iya gina-antos nga balatian.

Pagkatapos sang ginpatigayon nga healing, ginkakibot sang pari nga naghugyaw ang mga debotado sa chapel bangud nakatindog si Rico.

Naghilibion samtang nagasimba ang mga nakasaksi sa ginapatihan nga milagro.

Nagapati si Father Larry nga ikaduha na ini nga tion nga nagpahanumdom ang Birhen sang Lindogon nga yara ini ilabi na para sa mga nagakinahanglan sang iya bulig.

Madumduman nga gindagsa ang nasambit nga birhen sang mga debotado matapos nakit-an kag nakuhaan sang litrato nga nagtulo ang luha sini sa Santo Niño Parish Church sa Brgy. Bagonbon sa San Carlos las dose sang tungang gab-i sang Hulyo 27. “Kakita jud ko gi-unsa siya pag-aswat pasulod sa simbahan, pero human nako mapahigayon ang healing, sa mitalikod nako nanghugyaw ug kalit ang mga tawo kay mao na diay to, nakatindog na siya, so ako siya giingnan tindog daw balik brad bi, padool ka Mama Mary pangayo ug pasalamat,” pahayag ni Father Larry.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles