Naghilibion si Mayor Bing Leonardia bangod sa reklamo nga naga-abot sa iya sa tunga sang pandemya!

Bacolod City, Negros Occidental – Naghilibion sa Mayor Bing Leonardia bangod sa nabatyagan nga pagkadismaya kag kasubo sang mga nabaton nga reklamo kag panglait sang komunidad.

Ini ang ginpahayag ni City Councilor Renecito Novero sa interview sang Radyo Bandera sa Foro de los Pueblos Program.

Suno kay Novero nga luyag sang alkalde nga kuntani hatagan sila sang tyansa kag oras nga mapakita sa kumonidad nga nagatinguha sila nga mahimo ang tanan nga responsibilad lakip ang iya opisyales sa lokal nga panguluhan sa pag-atubang sang pandemya sa syudad.

Ini ang natabu sang magpatigayon sang meeting si Mayor Leonardia sa tanan nga sector sang ciudad kaupod ang lainlain nga working committee sa Covid-19.