FAITH THAT MOVES MOUNTAIN
“And whatever you ask in prayer, you will receive, if you have faith.”
– Matthew 21:22 –
Desperado na kag wala sang madalaganan si Mrs. Teresita Buenafe bangud sa tuman nga kapigaduhon sa tunga sang pandemic.
Sa edad nga 50 anyos isa ka daku nga pagtilaw ang ginaatubang ni Nanay Teresita sang Brgy. Abuanan, Bago City banud naga suprer ini sang balatian.
Nag-ugat ang tanan sang nagbatyag ini sang arthritis nga nagdala sang tuman nga kasakit kag paghabok sang iya tiil sadtong 2015.
Bangud sa tuman nga pag inom sang antibiotics kag pain reliever, nagbatyag ang iya kidney.
Bangud sa kapigaduhon wala maagapan ang iya nabatyag kag nag-apekto sa iya nga kidney.
Dala sang halit sa iya kidney kianahanglan na sini nga mag padialysis.
Pagtrabaho sa kampo ang nagin palangitan-an sang iya bata nga nagasuporta sa iya kag may magagmay pa ini nga mga kabataan, indi makasustener sa iya semanal nga pagpabulong.
Malawig nga tion nga wala na siya nakapadialysis gani naghabok ang iya mga ugat kag naglain ang iya pamatyag.
Wala na sang mapalapitan, hugot ang iya pagtuo nga magpadulong na lang kag magpasimpalad sa Radyo Bandera.
Udto na sang siya mag-abot sa estasyon kag sa wala giapaabot nga tion nagsumalangay ang ila banas ni Doc Ramel Uy nga nagahimus na nga magpaniaga sang iya makita ang sitwasyon ni Nanay Teresita.
Dala sang hugot nga pagtuo ni nanay Teresita, natandog ang balatagon sang RYU Foundation gani gilayon ini nga ginbuligan nga makapadialysis sa sulod sang duha ka semana.
Naglumaw-lumaw ang mata sa kalipay ni Nanay Teresita sang nabaton ang bulig nga iya ginakinahanglan sa sina nga adlaw para sa dialysis kag para man sa msunod nga semanan.
Sa luyag nga maghatag sang bulig kay Nanay Tersita magpakig-angut lang sa RYU Foundation sa cellphone number
0966 196 4299.
