Isa ka self-portrait sang bantug nga Dutch artist nga si Vincent van Gogh ang nadiskubrehan nga nakatago sa likod sang isa sa iya mga painting.
Natukiban ang self-portrait pagkatapos sang masobra isa ka siglo sang ginpaidalum sang National Galleries of Scotland (NGS) sa x-ray examination ang “Head of a Peasant Woman” nga obra ni Van Gogh sang 1885.
Suno sa NGS, natabunan ang nasambit nga self-portrait sang cardboard kag madamol nga glue.
Ginatun-an pa subong sang mga eksperto kun paano makuha ang glue kag cardboard nga nagatabon sa self-portrait nga indi mahalitan ang “Head of a Peasant Woman.”
“Moments like this are incredibly rare. We have discovered an unknown work by Vincent van Gogh, one of the most important and popular artists in the world,” pahayag ni Frances Fowle, senior curator sang French art sa NGS.
