National Dragonboat Open pagahiwaton sa Batangas

BACOLOD CITY– Pagahiwaton ang National Dragonboat Open sa Taal Lake off Club Balai Isabel, Talisay, Batangas.

Igapangunahan ini sang Philippine Canoe Kayak Dragonboat Federation (PCKDF) agud makita ang potensyal sang mga manughampang nga luyag mangin parte sang national dragonboat team.

Sa matabo nga event, magapili naman sang mangin miyembro si Philippine Olympic Committee President Representative Abraham Tolentino kag iban pa nga mga miyembro sang komitiba kun sin-o ang makipagbahin sa ika-32 nga Southeast Asian Games nga matabo sa Mayo 2023 sa Cambodia.

Nagapasalamat naman si PCKDF President Teresita Uy sa pag-panguna ni Tolentino sa nasambit nga kompetisyon.*