BACOLOD CITY– Luyag sang Athletic Events and Sports Management Inc. (ACES) nga makipagbahin ang mga volleyball players sang Visayas kag Mindanao sa masunod nga Super League.
Sa pagtakop sang Shakey’s Super League sini nga bulan sang Nobyembre, luyag sang ACES nga hatagan oportunidad ang mga aspiring volleyball players sang iban nga isla agud makahampang kag makapakita sang ila abilidad sa larangan sang volleyball.
Suno kay ACES Chairman Philip Ella Juico, kapin 12 ka teams sa nagkalain-lain nga mga pungsod nalakip na ang tatlo ka isla sang Pilipinas ang makipagbahin sa masunod nga liga.
Nakigbahin man sa forum sanday ACES President Dr. Ian Laurel, Alyssa Solomon, Michaela Belen kag Karl Dimaculangan.
“We want to give the teams from the Visayas and Mindanao the chance to face the players whom they idolize and provide them a high level of competition,” suno kay Laurel.
Excited naman sanday Solomon kag Belen bangud sa ideya nga ila nabati-an.*
