Tungod sang nagadugang nga COVID-19 cases, yara na sa critical level ang kapasidad sang mga natukod nga quarantine facility sang Negros Occidental.
Suno kay Provincial Administrator Atty. Rayfrando Diaz, sobra na 400 ka mga COVID-19 positive patients ang naka-quarantine sa provincial healing center sa EB Magalona.
Yara naman sa 70 porsyento ang COVID hospital beds occupancy sang probinsya.
Ang maayo lang kay kadam-an sa mga pasyente nga na-isolate sa facility, ang asymptomatic kag nagabatyag sang mild symptoms.
Kahapon daw nahaw-asan man ang pamunuan sang provincial capitol kay 28 sa mga na contact trace kag gin swab test ang nag-negatibo sa COVID-19.
Sila ni ang mga close-contact sang 32 ka mga empleyado kag staff sang kapitolyo nga nagpositibo sa COVID-19.
May napulo ka mga empleyado ang nagpositibo sa procurement service depot, 7 sa provincial administrators office, 3 sa safety and security division kag sa Provincial Health
Office. Nagpositibo man pati ang tagpamuno sang Office of the Provincial Agriculturists.
Tungod sini mas hugot nga ginapatuman sa kapitolyo ang pag sanitize kag pag-disinfect sang mga opisina pati na mga bagahe kag mga delivery items nga nagalab-ot sa kapitolyo.*
