Negosyante ginluthang-patay sa Escalante

Patay ang isa ka 57-anyos nga negosyante matapos ginluthang-patay sa Purok Mabinuligon, Barangay Dian-ay, ciudad sang Escalante pasado las 8:00 sang gab-e, Setyembre 16.

Base sa inisyal nga imbestigasyon sang Escalante Police Station, yara sa sulod sang iya meatshop ang biktima nga ginkilala kay Josephine Matus y Sanches sang ini ang ginpalapitan sang isa ka persona kag hinali nalang ini ginluthang-patay.

Igo sa dughan kag likod ang naangkon ni Josephine nga gilayon natumba sa iya gina kahamtangan, samtang insigida naman nga nagpalagyo ang suspetsado sa wala mahibaloan nga lugar.