Balik basketball court ang Negros Muscovados matapos nga nagpahuway sang isa ka season.
Sa karon nagahanda naman ang kuponan sa pala-abuton nga hampang sa ika-lima nga season nga magasugod sa Marso 10, 2023 sa Maharlika Pilipinas Basketball League.
Sa dason nga mga inadlaw magapakadto ang grupo sa Metro Manila agud patigayunon ang training.
Suno kay Alfred Gilbor, team owner, ila tinguha-an nga mangin madinalag-on ang team agud mapakita man sa mga Negrense nga indi magpapierde ang Negros sa patag sang basketball tubtob maka lab-ot sa finals.
Pito ka mga original players ang nakabalik sa line up kag sila sanday Randy Colonia, Ritcer Santillan,Bill Geolingo, Jonathan Gantalao Jr. Pio Piero, Dominic Longa, Richard Albo, Lugie Cuyos, Mark Maloles, kag Edrian Lao.
Samtang bugal man sa mga Negrense ang anay PBA player nga sanday Paolo Javelona kag Jason Melano.*
