BACOLOD CITY – Magapa-in sang P15 milyones ang Negros Occidental agud ibakal sang Test Kit nga Reverse Transmission – Polymerase Chain Reaction (RT-PCR) test para sa mga pasyente nga ginasuspetsuhan kontaminado sang virus nga monkeypox.
Nahibaluan nga sang nagligad nga semana, nagpatigayon na sang pagsinapol ang Provincial Health Office (PHO) kaupod sanday Dr. Ernell Tumimbang, Dr. Jessica Pama, Hospital Operation Head Dr. Gerlie Pinonggan kag mga Municipal kag City Health Officers sang nagkalain-lain nga banwa kag siyudad sang Negros Occidental agud pagahambalan ang tikang agud malikawan ang pagsulod sang monkeypox sa probinsya.
Ginadihon pa sang komitiba ang mga guidelines kag protocols angut sa ginakabalak-an nga monkeypox virus.
Suno kay Provinicial Administrator Atty. Rayfrando Diaz II ginapapreparar na ni Governor Bong Lacson ang mga Molecular Laboratory kag mga Staff.
Nakalinya naman ang mga staff ukon ang mga Medtech nga igapaidalom sang training didto sa Research Institute for Tropical Medicine (RITM).*
