May yara na sang “go signal” gikan sa Department of Health ang Negros Occidental nga gamiton sa A4 category ang mga COVID-19 vaccines nga nagikan sa Covax Facility suno kay Governor Eugenio Jose “Bong” Lacson.
Ini bangud nga nagtaas naman ang accomplishment rate sa A2 category kag naglapaw na sa 100% ang A1 kag A3.
Dugang pa sang gobernador nga pwede naman nila mabakunahan ang mga vaccinees nga yara nalakip sa iban pa nga categories. Gingamit naman ang kabahin sang ginbakal sang probinsiya nga AstraZeneca vaccines sa mga economic frontliners.
Pangabay Lacson sa national government nga dugangan ang ginapadala nga mga bakuna sa probinsiya para mas madasig malab-ot ang herd immunity kaangay sa National Capitol Region.
Base sa cumulative report sang probinsiya, may yara na lang sang 645 active cases subong nga adlaw, 588 ang nagkalamatay, 22,118 ang nakarecover samtang 22,351 na ang kabilugan nga cases humalin sang Marso 27, 2020.*| via Kabanderang Kirby Federez
