NEGROS OCCIDENTAL PLANO NGA IPAIDALOM ANG PROBINSYA SA DUHA KA SEMANA NGA GCQ

Plano karon sang Negros Occidental nga ipaidalom ang probinsya sa duha ka semana nga General Community Quarantine (GCQ) bangod sa nagasaka nga kaso sang COVID-19.

Magasulat man liwat ang probinsya sa Regional Inter-Agency Task Force angut sa pagpatuman sang swab testing para sa naga-inabot nga pasahero nga gikan sa gwa sang Western Visayas.

Ini ang ila ipalab-ot sa virtual meeting upod sa katapo sang RIATF karon nga hapon.

Ang probinsya ang magapatuman man sang common curfew nga magasugod las 8:00 sang gab-i asta las 4:00 sang kaagahon.