Friday, March 29, 2024

Ngalan sang pila ka transient vendors sa Libertad Public Market wala sa master list; raffle ginkansela

- Advertisement -

BACOLOD CITY – Ginkansela ang pag-raffle sang mga pangalan ka transient vendors sa Libertad Public Market para sa pagpili sang igabutang sa Annex Building sang merkado kaina sang aga sini nga Martes, Pebrero 21.

Photo courtesy of Red Salgado
Photo courtesy of Red Salgado.

Sa interview sang Radyo Bandera kay Eduardo Sartuyo, isa sa transient vendors sang Libertad Public Market nga masobra 10 ka tuig na nga nagabaligya, las-10 sang aga gintalana ang raffle apang nakansela ini bangud sa reklamo sang pila ka vendors nga wala madala ang ila pangalan.

Gintinguhaan pa nga matigayon ang raffle la una sang hapon apang sa ginpaiway liwat ini sa parehas nga rason.

- Advertisement -

349 ka transient vendors ang natalana ang iga-raffle para sa 231 ka stalls sa Annex Building sang Libertad Public Market apang madamo ang wala nalista sa 400 tanan nga vendors.

Photo courtesy of Red Salgado
Photo courtesy of Red Salgado.

Isa man sa reklamo sang pila ka transient vendors amo ang ginpatigayon nga paglistahanay sang mga ngalan kay suno sa ila, sang ginpatigayon ang survey, ang pila ka mga nagabaligya ang wala sa ila nga puwesto kay ini ang nagapauli para magpahuway kag wala sila malista.

Bangud wala madayon ang raffle, nagaplano ang siudad nga magpatigayon sang panibag-o nga survey sang vendors nga actual nga nagabaligya sa merkado agud ma-validate ang mga pangalan nga yara sa master list.

Photo courtesy of Red Salgado
Photo courtesy of Red Salgado.

Dismayado naman ni Felicidad Torres bangud malawig na siya nga nagabaligya sa Libertad kag makapila ka bes na ini nga ginasaylo-saylo apang wala siya mahatagan ka siudad sang kahigayunan nga mabutangan sang puwesto.

Suno kay Councilor Celia Flor, chairperson sang Committee on Markets and Slaughter House, nangin problema sang siudad ang mga mayor nga merkado sa Bacolod bangud naga-expand ang siudad apang ang mga merkado ang wala napreparahan kag kinahanglan nga i-develop.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles