Ginkumpirmar ni Provincial Legal Officer Atty. Alberto Nellas subong nga adlaw, Marso 2, nga ginkakas na sa pwesto sumugod Pebrero 24, 2022 si Mina Pellejo bilang Assistant Provincial Administrator sang Negros Occidental kag tagpamuno sang Negros Occidental Comprehensive Health Program sang probinsya.
Suno kay Atty. Nellas, aprubado na ni Governor Eugenio Lacson ang rekomendasyon nga “Immediate Dismissal” batok kay Pellejo, matapos nga na-finalize na sang Provincial Legal Office ang hearing investigation kag na serbe na ini kay Pellejo sadtong tinalikdan nga Huwebes, Pebrero 24.
Ginpahayag man ni Nellas nga ang dismissal kay Pellejo ang bunga sang grave misconduct kag gross neglect of duty may angut sa “mishandling” sang budget sang Negros Occidental Comprehensive Health Program (NOCHP) bilang tagpamuno sang nasambit nga programa sang probinsya.
Dugang pa ni Nellas nga sumugod sang na serbe kay Pellejo ang dismissal order sadtong Huwebes sang hapon, wala na ini naga-duty sumugod adlaw nga Lunes, bangud ang adlaw nga Biyernes ang isa ka special non-working holiday.
Ginklaro man ni Nellas nga may kinamatarong si Pellejo nga mag-apelar kag mag-file sang motion for reconsideration bilang isa ka public official.*
by Randy Coronel
