Sunday, December 4, 2022

NOCPPO Ginpanginbulahan ang San Carlos City PNP sa Pagkarekober sang Masobra P13 Million nga Shabu sa Buybust Operation

- Advertisement -

Ginpanginbulahan ni Negros Occidental Police Provincial Office (NOCPPO) Provincial Director Leo Pamittan ang kapulisan sang San Carlos City Police Station sa pagpanguna ni P/Lt. Col. Jesus Mesahon sa isa ka madinalag-on nga Drug Buybust operation sadtong tinalikdan nga Hunyo 14 nga ginpatigayon sa Sitio Tul-ang, Barangay Rizal, San Carlos City, Negros Occidental Ang nasambit nga operasyon ang naga resulta sa pagkakumpiskar sang 2.3 ka kilos sang ginapatihang shabu nga nagabalor sang 13.6 milyones ka pesos.

Photo from Negros Occidental Police Provincial Office facebook page
Photo from Negros Occidental Police Provincial Office facebook page

Madumdoman arestado sang amo nga drug operation si Rex Baron, 49 anyos kag residente sang Fatima Village, Barangay Rizal, sa siyudad sang San Carlos.

Suno kay P/Lt. Abegael Donasco, Spokesperson sang NOCPPO ginapasalamat ni Col. Pamittan ang mga kapulisan, mga myembro sang Barangay Intelligence Network (BIB), mga Force Multiplier, Local Government Units sang San Carlos nga ginapangunahan ni Mayor Rene Gustilo sa pagbinuligay agud mangin madinalag-on ang nasambit nga drug operation.

- Advertisement -

Ginapasalamat man sang NOCPPO si Negros Occidental Governor Eugenio Jose Lacson sa wala unta nga pagsuporta sa mga kapulisan sang probinsya.

Dugang pa ni Donasco, ginabalik lang sa kapulisan sang probinsya pinaagi sa mga accomplishment ang suporta sa Gobernador.

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

- Advertisement -

Latest Articles