Nagpanguna ang Negros Occidental Police Provincial Office (NOCPPO) sa may pinakadako nga balor sang druga nga nakumpiskar sa bug-os nga Western Visayas humalin sang bulan sang Enero tubto Agosto 15, 2021.
Base sa datus sang Police Regional Office (PRO-6), ang NOCCPO ang may yara sang ginpatigayon nga 465 ka police operations nga nagresulta sa pagkadakop sang 596 ka mga indibidwal. Nakatigayon naman ang mga ini makakumpiskar sang 3, 598.912 grams sang shabu kag 1, 235.530 grams sang Marijuana nga may kabug-usan nga balor nga P24, 692, 727.00
Samtang nagapangaduha naman diri ang Bacolod City Police Office (BCPO) nga may 398 ka mga operasyon nga ginpatigayon kag may 518 ka mga indibidwal nga nagkaladakpan. Nakakumpiskar naman ini sang 3, 101.309 grams sang shabu kag 42.700 grams sang Marijuana nga may kabug-usan nga balor nga P20, 878,082.00.*
