BACOLOD CITY– Nagpaandam ang Negros Occidental Police Provincial Office (NOCPPO) sa publiko sa posible nga paglapta sang peke nga kwarta sa panahon sang paskwa.
Suno kay NOCPPO spokesperson , Police Lieutenant Judesses Catalogo masami nga nagalapta ang peke nga kwarta sa panahon sang paskwa rason nga ginapaandaman sini ang mga pumuluyo kag mga negosyante nga mangin mabinantayon sa mga mabaton nga kwarta.
Apang ginklaro ni Catalogo nga sa karon wala pa sang may na-monitor nga naga-circulate sang “fake money” sa probinsya.
Damlag lang nagpaandam sa publiko ang Philippine National Police (PNP) pinaagi kay spokesperson Police Colonel Jean Fajardo nga mangin mabinantayon man sa mga nabaton nga bayad kag kambyo sa pagbakal sang mga groceries sa supermarket ilabi na sa mga lokal nga ka merkado.
“Ang paalala natin sa ating kababayan ay magpapalit sila ng pinaghirapan nilang mga pera sa mga authorized money changer (transact with legitimate and authorized money exchange dealers),” pahayg ni Fajardo.*
