Tuesday, July 16, 2024

NUJP NAGLUNSYAR SANG EMERGENCY FUND PARA SA MGA KATAPO SANG MEDIA

- Advertisement -

Gin-anunsyar sang National Union of Journalists of the Philippines (NUJP) ang paglunsyar sini sang emergency fund para sa mga katapo sang media bilang pasidungog sa beterano nga mamantala nga si Jose Jaime “Nonoy” Espina nga nagtaliwan sadtong Hulyo 8.


Sa statement sang NUJP, nakabaton sila sang mensahe gikan sa pamilya Espina nga tanan nga donasyon ukon ‘abuloy para kay Nonoy ang iga-alokar bilang health and welfare fund para sa mga journalists kag media workers.


Nagserbe bilang NUJP chair si Nonoy sini nga tuig 2021.

- Advertisement -


“We know so many colleagues live under precarious economic conditions, with no tenure and often, with little social benefits,” suno sa utod niya nga si Inday Espina-Varona.


Gin-abi-abi naman sang NUJP Board of Directors ang offer sang pamilya Espina bangud suno sa unyon, ini man ang luyag nga buhaton ni Nonoy para sa iya mga kaupod sa industriya.

Sandig sa survey sang NUJP sadtong Marso 2021 nagapakita nga 15% sa masobra 200 ka mga mamantala sa bilog nga pungsod ang nagabaton lamang sang P5,000 ukon mas manubo pa kada bulan, samtang 19% naman ang may sweldo P5,000-P10,000.


“Magandang paraan ito ng pagbibigay pugay kay Chair Nonoy at sa pagpapatuloy ng pagmamalasakit niya at ng unyon sa mga kapwa mamamahayag,” suno kay NUJP Chairperson, Jonathan de Santos.


“Kahit minsan parang tayo-tayo na lang ang nagtutulungan, malaking bagay pa rin na kaya at handa tayong gawin ito para sa isa’t-isa.”

Natalana pa nga igapagwa ang pagsulundan para sa nasambit nga pondo.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles