Obiena No. 3 sa Pole Vault sa bug-os nga kalibutan

Tatlo ka lumpat ang ginsaka ni pole vault star EJ Obiena matapos makuha ang No. 3 sa pinakaulihi nga World Rankings halin sa No. 6.

Nakuha sang 26-anyos nga si Obiena ang World No. 3 spot matapos madaug ang bronze medal sa ginpatigayon nga 2022 World Athletics Championships sa Oregon, USA kun diin nalapawan sini ang iya personal, national, kag Asian record.

Una na nga nakuha ni Obiena ang No. 5 nga puwesto antes ini nanaug sa No. 6.

Si Obiena ang pinakauna nga Pilipino nga nagdaug sang medalya sa Athletics Championships sa bug-os nga kalibutan.

Congratulations and keep flying high, EJ!