OFW patay matapos mahulog sa bintana sang building sa Hong Kong

Patay ang isa ka overseas Filipino worker matapos ini mahulog sa bintana nga iya ginalimpyuhan sa Hong Kong, suno sa Philippine Consulate sa nasambit nga pungsod, sandig sa report sang CNN Philippines.

Sandig sa report, napatay ang OFW sadtong Mayo 15.

“Isa po itong kalunos lunos na trahedya at kami po ay nakikiramay sa pamilya ng ating kababayan, at makakaasa po sila ng mga pagtulong ng ating gobyerno mula trahedyang ito,” suno kay Consul General Raly Tejada.

Nagapakig-angut na ang konsulado sa gobyerno sang Hong Kong agud ma-imbestigahan ini.

Naghingyo naman si Tejada sa mga OFWs nga indi lang anay magpaninlo sang mga bintana ilabi na sa mga matag-as nga panalgan agud malikawan ang kasubong nga insidente.*