Gin-activate sang local government unit sang La Castellana ang ila Operation Center bilang pagpanghanda may angut sa nagasaka nga seismic activity sa crater ukon baba sang Kanlaon Volcano.
Padayon man ang monitoring sang team gikan sa Municipal Disaster Risk Reduction Management Council sa mga barangays malapit sa tiilan sang bulkan.
Nagpadulong ang La Castellana DRRMO personnel sa nabukid nga mga barangay agud magpatigayon sang queries sa mga residente kung nakabatyag sila sang pagtay-ug sang duta kag kung nakapanimaho sila sang asupre sa lugar.
Ini nga mga parameters ang kabahin sang monitoring sa aktibidad sang bulkan nga nagapatimaan sang nagahana nga eruption ukon paglupok sang bulkan.
“Mt. Kanlaon is still on Alert Level 1, and we have to consider also the possible sudden phreatic eruption. Its an eruptions usually produces phreatic eruption plume or minor ash falls around the volcano and exploding sound may heard in some barangays near the volcano,” suno sa La Castellana DRRMO.
Nagapadayon ang monitoring sa behavior kag activity sang Mt. Kanlaon kag koordinasyon sa opisina sang Phivolcs nga nakabase sa La Carlota City.
“We are also pleading our dear public community especially those who are living there the danger zones and the whole public community to be vigilant and be prayerful to spare us all on this eminent calamities,” dugang pa sang La Castellana DRRMO.*
