Oso “Lutang” matapos Magkaon sang “Mad Honey” sa Turkey

TURKEY– Wala sa animo ukon “lutang” ang isa ka hubin nga oso matapos ini gin-rescue kag ginsakay sa likod sang isa ka pick-up truck.

Ginapatihan “high” ang oso bangud nasobrahan ini sa pagkaon nga “mad honey” sa Turkey.

Suno sa Reuters, ginreport nga nasalbar ang oso sa banwa sang Duzce kun sa diin nakita ang nasambit nga sapat nga wala sang animo.

Sang ginsakay ini sa likod sang pick-up, makita ang oso nga nagabika ini samtang nagapungko kag madalum ang iya pagginhawa.

Ang mad honey ukon “deli bal” sa Turkish amo ang isa ka sahi sang rhododendron honey nga may yara sang “hallucinogenic” effects.