Other wanted person sa kaso nga rape dakop sa Bago

Dakop ang lalaki nga ginakabig nga other wanted person sa Purok Roma, Barangay Sampinit, syudad sang Bago, Negros Occidental takna las 12:55 sang udto subong nga Lunes, Pebrero 6, 2023.

Ginkilala ang akusado kay Rudy Alvares Sr., 69-anyos, kasado kag residente sang nasambit nga lugar.

Suno kay Police Captain Joem Malong, hepe sang Bago City Police Station, ginserbehan si Alvares sang warrant of arrest sa kaso nga rape ukon pagpanghimulos.

Gin-isyu naman ang warrant ni Frandes Guanzon, presiding judge sang RTC branch 62 sang Bago City sadtong Mayo 10, 2010 kag may piyansa nga P200,000.

Yara naman ang akusado sa kustodiya sang Bago CPS para sa nagakaigo nga disposisyon.*