BACOLOD CITY – Kapin P1,156,000 nga balor sang ginasuspetsuhan shabu nga may kabug-aton nga 170 gramos ang nakumpiskar sa ginpatigayon nga buy-bust sa Purok Santan, Barangay Camugao sa syudad sang Kabankalan, Negros Occidental, takna las 3:31 sang hapon, Miyerkules, Hulyo 20, 2022.
Dakup sa operasyon sanday Jomy Consular, alyas “Toto,” 42-anyos kag si Leosella Consular, alyas “Shela,” 27-anyos, pareho residente sang Barangay Hilamonan sa Kabankalan.
Nakuha sa ila ang 24 ka sachets sang ginasuspetsuhan shabu, isa ka dako nga sachet sang ‘shabu’, isa ka P1,000 nga boodle money, isa ka coin purse, isa ka leather sling bag, duha ka android phones, kag isa ka Kawasaki Bajaj nga tricycle.
Magapangatubang sang kaso nga paglapas sang Republic Act 9165 ukon Comprehensive Dangerous Drugs Act of 2002.*
