P1.2 million gin-offer nga padya batok sa suspek nga nagluthang-patay sa hepe sang San Miguel, Bulacan

Naglab-ot na sa P1.2 million ang padya nga gin-offer sa sin-o man makahatag sang impormasyon para madakpan ang mga suspek sa likod sang pagpatay kay San Miguel, Bulacan Police Station Chief of Police PLTCOL Marlon Serna.

Ang P1.2 million nga padya ang magahalin kay Interior Secretary Benhur Abalos, P500,000; PRO 3 Director Brig. Gen. Jose Hidalgo Jr., P300,000; Philippine National Police Chief Gen. Rodolfo Azurin Jr., P200,000 kag Bulacan Governor Daniel Fernando, P200,000.

Matandaan nga ginluthang si PLTCOL Serna sadtong Sabado sang riding-in-tandem samtang ini ang nagresponder sa isa ka insidente sang pagpangawat sa San Miguel, Bulacan.

Napatay si PLTCOL samtang ginabulong sa Emmanuel Hospital.