Ginkumpirmar sang Land Transportation Franchising and Regulatory Board (LTFRB) nga gin-aprubahan na sang gobyerno ang P1 bilyon nga fuel subsidy para sa mga drayber sang public utility vehicle (PUV) sa piyak sang pagtaas sang presyo sang gasolina.
Ginsiling ni LTFRB Chairman Martin Delgra nga para lang ini sa mga “legitimate qualified franchise holders and their drivers,” partikular na sa tradisyonal nga public utility jeepney (PUJ) sector.
Dugang pa niya nga wala pa sang petsa kung san-o ipaguwa ang subsidy.
“Dito po sa fuel subsidy program na inapruba, this is pursuant [to] the Train Law, and the law is specific as to the recipient so PUJ sector po ang makikinabang dito. May ibat-ibang programa naman sa ibang modes of transport,” pahayag ni Delgra sa isa ka public briefing.
Halin ini sa Pantawid Pasada Program sang LTFRB nga ginbuksan sadtong 2018 kag 2019, suno kay Delgra.
Nakaplano nga ipanagtag ang mga pondo sa mga operator kag franchise holders apang nagapangita pa sila sang pamaagi agud direkta nga mahatag ini sa mga benepisyaryo.
Ginakumpleto naman sang mga otoridad ang listahan sang mga oil companies kag gas stations nga malakip sa programa.
